Skriftkulturstudiar i ei brytingstid av Endre Brunstad og Stig Jarle Helset (Open Access)
Open Access

Skriftkulturstudiar i ei brytingstid (Open Access)

Forfatter:

Stig Jarle Helset og Endre Brunstad (red.)

Forfatter: og
Innbinding: Open Access
Utgivelsesår: 2019
Forlag: Cappelen Damm Akademisk
Språk/målform: Nynorsk
ISBN: 9788202616601
Kategori: Litteratur- og språkvitenskap
Filformater: EPUB3, HTML, PDF, XML
Lisenstype: Creative Commons Attribution 4.0 International
Fagfellevurdert: Ja
Fag: Litteratur- og språkvitenskap
Nivå: Akademisk
Om utgivelsen Skriftkulturstudiar i ei brytingstid

Siktemålet med dette første nummeret av den nye vitskaplege skriftserien Skriftkultur er å gjere opp status for skriftkulturstudiar som forskingsfelt og studiefelt. Nummeret kastar lys over skriftkulturomgrepet i ein brei literacy-samanheng, samtidig som det har eit særleg auge for den nynorske skriftkulturen.

Kva ligg i omgrepet skriftkultur? Kva er det som kjenneteiknar skriftkulturstudiar i dag? Korleis er tilhøvet mellom skriftkultur og literacy? Kan vi snakke om ein eigen nynorsk litterær danningstradisjon? Og bør opplæringa i nynorsk skriftspråk lausrivast frå dialektane?

Gjennom sju vitskaplege artiklar diskuterer forfattarane ulike sider av skriftkulturen og skriftkulturstudiane i eit historisk og notidig perspektiv og i eit norsk/nordisk og internasjonalt perspektiv.

Publikasjonen rettar seg mot studentar, forskarar og andre som er opptekne av det skriftkulturelle feltet generelt og den nynorske skriftkulturen spesielt.

Til toppen

Forfatter(e)

Endre Brunstad er professor i nordisk fagdidaktikk/språk ved Universitet i Bergen og er for tida professor II ved Høgskulen i Volda. Han har arbeidd mykje med språkpolitikk og språknormering i dei nordiske språksamfunna og med problemstillingar knytte til språkkontakt og språkopplæring.

Stig J. Helset er førsteamanuensis i norsk språkvitskap ved Høgskulen i Volda, der han er ansvarleg for Mastergradsstudiet i nynorsk skriftkultur. Han har arbeidd særleg mykje med kartlegging av normer i det nynorske skriftspråket og driv dessutan med stadnamnforsking.

Kjell Lars Berge er professor i tekstvitskap ved Universitetet i Oslo. Han har vore gjesteprofessor ved Göteborgs Universitet, professor II i literacy ved Universitet i Stavanger og professor II i skriveforsking ved NTNU. Berge er også æresdoktor ved Örebro Universitet.¿

Per Henning Uppstad er professor i spesialpedagogikk ved Lesesenteret, Universitetet i Stavanger. Han har særlig arbeidet med teoretisk avklaringsarbeid i skjæringspunktet mellom spesialpedagogikk og lingvistikk, og har forskningsinteresser innen teknologistøtta læring, lesevitenskap og tidlig intervensjon.

Stephen J. Walton er professor i tverrfaglege kulturstudiar ved Universitet i Søraust-Noreg. Han har vore professor i nynorsk skriftkultur og leiar for Ivar Aasen-instituttet ved Høgskulen i Volda. Han har vore oppteken av forsking på fleire sider av det skriftkulturelle feltet, med eit særleg søkjelys mot arbeida til Ivar Aasen, amerikanisering og biografiteori. Dei seinaste åra har Walton skrive om seksualitetshistorie, og held på å gi ut ei bok om genussystemet i eit samfunn i Mexico.